घेरामा सिंहदरबार

माओवादी सत्ताबाट ओर्लेपछि सडकमा राज जमाएको छ । सडकको बाटो माओवादी आफैले रोजेको हो । सरकारमा त बितण्डा गर्ने माओवादी सडकमा उग्र हुनु सामान्य हो । तर यसपाला माओवादीको सडक प्रदर्शन अलि फरक छ । सडकमा रोधी जमाएका छन् माओवादीले । सत्ता भूत चढेका चुनावमा जनताले लडाएकाहरु सिंहदरबारमा राज गर्नु प्रजातन्त्रको खिल्ली नै हो । सायद सिंहदरबारमा लालसाको भूत बसेको छ त्यसैले सिंहदरबार पस्नेहरु आफूलाई सिंह र अरुलाई स्याल मात्र देख्छन् । माओवादीले पनि स्यालको चलाखी निकालेर सत्तालाई घेरामा पारेको छ । आजको सत्ता घेराई रमाइलो देखियो माओवादीको । सत्ता लिप्साको भूत झार्न होला माओवादीले धामी पनि बसाले सडकमा । नाचे अनि नागरिक सर्वोच्चताको रटाइमा दिनभर गाना बजाना गरे ।

पद्मोदय मोडमा माओवादी नेता कार्यकर्ताको छेकाई

माओवादी नारा र गीतमा नाच्दै पाकी माओवादी कार्यकर्ता

सत्ताको बाटो छेकाईमा माओवादी नेता कार्यकर्ता प्रहरीको तारजाली बाहिर

सत्तारुढ दललाई विदेशी प्रभूको कठपुतली भन्ने माओवादीका वाइसीएलले राष्ट्रिय झण्डा पनि बोकेका थिए । माओवादी सभासद नै झण्डा फेर्नुपर्ने भन्दै हल्ला गरिरहेका छन् संविधानसभाको समितीमा ।

उस्तै खालका पोस्ट

• सत्ता की नैया हे दिल्लीके भरोषे
• बाह्रमासे प्रदर्शनकारी
• लौ घेर, हामी छेक्छौं
• बन्दको मिडिया वाच
• नराम्रो लागेको छैन